अईसन कसाई हई बाप

जिला सीतामढ़ी, प्रखण्ड सोनबरसा, पंचायत गोनाही विषनपुर, गांव लोहखर। उहां 9 सितम्बर 2013 के एक बजे रात के  तीन साल के बच्ची पल्लिया खातुन के उनकर पिता ,दादा ,दादी मिलके गला दाबके लाश के पोखर मे फेक देले रहई। इ धटना,10 सितम्बर 2013 के हई।
उनकर माई मुस्तकीमा खातुन कहलथिन कि हमर पति मंसूर नादाव से हमरा बहुत दिन से विवाद चलइत रहलइय। उ दोसर शादी करे चाहइत रहलईय। एही कारण उ हमरा खेबा-खर्चा न देइत रहलइ। हम केइसहु दुःख काट के रहइत रहली। ओइ रात मे हम सुतल रही ,ओही समय हमर ससुर आजुल नदाब अउर हमर पति हमरा मारे लागल अउर उ सब सुतल बच्ची के हमरा गोद से छीन लेलक अउर भाग गेल अउर बच्ची के गला दाबके पोखर मे फेक देलक। रात भर हम खोजते रह गेली लेकिन हमर बच्ची हमरा न मिललक तब हम थाना के खबर देली ,उहे लाष के खोजलक।
थाना प्रभारी विनय भूषन राय कहलथिन कि लाष बरामद करके पोसमाटम के लेल भेज देल गेल हई। उ दुनु बाप -बेटा पर केष भेल हई। जेकर कांड संख्या 143/13 हई। धारा 302,201/34  भादवी मडर के हई। अपराधी घर छोरके भाग गेल हई। खोज बीन हो रहल हई।