जिला महोबा, ब्लाक चरखारी इतनी तेज गर्मी और धूप में सबसे पहले प्यास लगत एसे में न तो सबके पास बोतल होत न खरीदबे के लाने रुपइया। महोबा जिला के कुलपहाड़ के आदमियन ने प्याऊ की मांग करी।
अनिल कुमार नामदेव ने बताई के जो आदमी बजार आत जेसे किसान तो अगर प्याऊ लग जेहे तो उन्हें पानी तो मिल जेहे उन्हें पीबे के लाने। नगर पंचयात के चेयर मेन को ध्यान देने चाहिए गौर करने चाहिए हर साल लगत ती जा साल नइ लगी।
सरमन लाल ने बताई के जब नगर पालिका आर्डर देहे तबई लग हे। उनके पुराने आदमी हे चार पांच सो जब बे लगबाय महीना पंद्रह दिन में। अब अबे से धूप परन लगी अगर नल को पानी बोतलन में भर लो सो तनक में गरम हो जात।
सी एल शेख वरिष्ठ लिपिक ने बताई के जो मीटिंग होत बामे प्रस्ताव रखत। हम ओरे तीन जगह प्याऊ लगवात एक बसस्टैंड, दूसरी बजार, में तीसरी तहसील पे। हम ओरे जल्दी लगात ते और जा बार जल्दी गर्मी परन लगी तो जल्दी ही लगवाहे। हम ओरेन को काम हे सर्दियन में अलाह लगाबो और गर्मियन में प्याऊ लग बाबो।
रिपोर्टर- श्यामकली
07/04/2017 को प्रकाशित
