प्रशिक्षक के मिलतई काम

sheohar seजिला शिवहर। जिला  शिक्षा कार्यालय में 07 अगस्त 2013 के उमुंखीकरण कार्यशला भेलई। जेइमें लगभग तीस प्रतिभागी (जे विद्यालय शिक्षा समिति के सदस्य के प्रशिक्षण देई छथिन) भाग लेले रहथिन। एई उमुंखीकरण के अध्यक्षता संभाग प्रभारी आलोक रंजन कुमार कलथिन।
प्रतिभागी गीता, राणा प्रकाश कहलथिन कि हमरा सब के पिछले साल सितम्बर में प्रशिक्षण भेल रहई ओई के बाद अभी तक कोई काम न मिलल। मास्टर ट्रेनर ओम प्रकाश पाठक कहलथिन कि एई लोग के प्रशिक्षण में काम बतायल जाई छई। एही के लेल सीआरसी अउर बीआरसी पर तीन दिवसीय आवासीय अउर गैर आवासीय प्रशिक्षण देवे के रहईं छई। लेकिन कोई कारण बस प्रशिक्षण न भेलई। जेकर उन्मुखीरण अभी हो रहल हई। जेइमें काम के संबध में पुछ-ताछ कयल जाई छई। संभाग प्र्रभारी आलोक रंजन कुमार कहलथिन कि इ उन्मुखिकरण जिला कार्यक्रम पदाधिकारी के आदेशानुसार कयल गेलइह। 01 सितम्बर 2013 से प्रशिक्षक सबके काम देल जतई।