जमीन के कारण विवाद

विवादीत जमीन
विवादीत जमीन

जिला सीतामढ़ी, प्रखण्ड रीगा, पंचायत सीराही, गांव रामपुर लक्ष्मीनीया टोला। उहां वार्ड नम्बर छौ के प्रदिप राय अउर विनोद बैठा के बीच जमीनी विवाद  लगभग दसो साल से चल रहल हई। एइ विवाद के लेके 24 मार्च 2015 के पुलिस भी गेल रहथिन ।
प्रदिप राय कहलथिन कि इ जमीन हमर बाबा दादा के हई। जब उ लिखलथिन तब से विनोद के घर के लोग हटावे चाहई छई। उनकर लरका अपने खुदखुशी कलेले छथिन। लेकिन विवाद के कारण हमर सब के नाम फसा देले हई। हम नौकरी करइ छी त बाहर रहइ ले लेकिन तइयो हमरा पांचो भाइ के नाम केस कदेले हई। हम तुरते बेल करा के अइली एगो भाई फेर पकड़ा के जेल गेल हई। हम सब घरे न रहइ छी लेकिन जमीन खाली करे ला झंझट हमेशा करइ छइ।
विनोद बैठा कहलथिन कि हम जमीन गांव के एक पंडित जी से खरीदले छी। उ पानी हमेशा हमरे जमीन में गिरबइ छथिन। उहे बंद करे गेली त झंझट करे लागल। हमर बेटा आठवंा में पढ़इत रहे ओकरा े मार के फेक देलक, तीन दिन के बाद लाश मिलल। जमीन के नापी में सीओ भी आएल रहे जिला से भी हमरा डिग्री मिल गेल रहे लेकिन एही बीच हमरा लड़का के मार देलक अउर अभी तक झंझट चल रहल हइ।
रीगा थाना के अभी रामप्रसाद शर्मा कहलथिन कि मडर के केश भेल हई जेक कांड संख्या 184/ 14 धारा 302,(हत्या) 34 भारतीय दण्ड विधान लागल हइ अउर पकड़ा के जेल में गेल हई। जमीनी विवाद के झगरा चल रहल हई।