खाद्य सुरक्षा का लइके जिले से गांव तक मचा हड़कंप

349bf6db-ee62-40c5-8c17-45f3b74ed019 copy copyजिला बांदा, ब्लाक नरैनी,गांव बिल्हरका। नरैनी तहसील से लगभग 25 किलो मीटर दूरी आउट क्षेत्र मा बसा बिल्हरका गांव के मड़ई खाद्य सुरक्षा के तहत मिलै वाली राशन सामाग्री का लइके बहुतै परेशान हैं। आनलाइन फारम भरैं के बाद भी उनके राशन कार्ड नहीं आय। न आनलाइन रसीद मिली आय। जेहिसे उंई गल्ला लई सकै। या मारे लगभग पचास मड़ई तहसील मा आ के 3 मई का सप्लाई इस्पेक्टर का घेराव करिन रहैं।
तुलसिया,चुनबादी, गेंदिया धर्मी अउर रमरतिया का कहब है कि खाद्य सुरक्षा के तहत मिलै वाले गल्ला का हमरे पास राशन कार्ड नहीं बना आय। हम गरीब लोग कउनौ के दुई बीघा जमीन है कउनौ के तीन बीघा तौ कउनौ के एक बिसुवा भी निहाय। सरकार जउन गरीब लोगन का मद्द देत है। वा बीच मा ही जपत होई जात है। हम लोगन से आनलइन का रुपिया अउर फोटो लइ लीन जात है कि राशन कार्ड बनै का है, रूपिया उठा के जेब मा डाल लीन जात है अउर फोटो फारम जला दीन जात है।
कोटेदार भ्रषण सिंह का कहब है कि मैं कउनौ की फोटो नहीं जलाये आहूं न यपिया लीन हौं। गांव के लोग झुठ आरोप लगवत है। उनके राशन कार्ड नहीं बने न आनंलाइन के रसिद आय।
सप्लाई इस्पेटर याकूब खां का कहब है कि 20 मई तक सब के राशन कार्ड आ जइहैं। यहिके बाद राशन मिलैं लागी।

रिपोर्टर – गीता