लाइन लगावै पै मिलत पानी

जिला अम्बेडकर नगर। हिंआ के कइयौ गांवन मा जल स्तर नीचे चला जाय से अचानक देशी नल पानी दियब बंद कै दिहिन। इंडिया मार्का टू हैण्डपम्प पै पानी लियै के ताई मनइन कै भीड़ लाग रहाथै।
जहांगीरगंज गांव कै राकेष तिवारी, अच्छेलाल, चन्द्रभान कै कहब बाय कि पूरे गांव मा लगभग तीन हजार कै आवादी बाय। लगभग चार दर्जन से ज्यादा देशी हैण्डपम्प लाग बाय। लगभग दुई दर्जन इंडिया मार्का टू हैण्डपम्प लाग बाय। 21 अप्रैल 2016 से जितना देशी हैण्डपम्प रहा गांव में सब अचानक पानी दियब बंद कै दिये बाय। कइयौ मनई कारीगर बुलवाइके हैण्डपम्प ठीक करवावै चाहिन लकिन ठीक नाय भै। हीरालाल, अलाउद्दीन, मोहम्मद आलम कै कहब बाय कि एक मिलोमीटर दूरी पै इंडिया मार्का टू हैण्डपम्प लाग बाय। वहि पानी लियै जाए का पराथै। भीड़ के कारण आधा घंटा तक लाइन मा लाग रहै का पराथै।
अकबरपुर तहसील कै एस डी एम महेन्द्र बताइन कि तहसील के 125 ग्राम पंचायत मा लगभग डेढ़ सौ से ज्यादा तालाब बाय। सबमा पानी भरवावै के ताई नलकूप विभाग कै अवर अभियंता अउर ग्राम प्रधानन का निर्देषित कीन गै बाय। यकै रिर्पोट भी दियै का कहा गै बाय।