एई में डीलर के हई फायदा

imagesजिला शिवहर, प्रखण्ड तरियानी, गांव कोलसो वार्ड नम्बर दस। इहां के लोग के कहना हई कि इहां के डीलर एई बेर दु महिना के तेल के कुपन फार लेलथिन ह।
इहां के लोग संजू देवी, मंटू देवी, शोभा देवी अउर राजेश कुमार कहलथिन कि हमरा सब के डीलर एमकी एक महीना के तेल देलथिनह। लेकिन कुपन दु महिना के फार लेले छथिन। अइसन केतना बेर भेलह। जेई बेर दू महीना पर तेल मिलई छई त तेल एक महीना अउर कूपन दू गो फार लेई छथिन। जई बेर दु महीना हो जाई छई त लोग के एक त तेल के दुःख हो जाई छई दोसर एकर फायदा त डीलर के होई छई। कोई बोलई छई त ओकरे गलत बना देई छथिन।
डीलर मुहम्मद नुरैन कहलथिन कि इहां के लोग गलत बतलथिनह। हम हर महीना तेल देईछी। एई बेर तेल बचल रहल ह त दु महिना के तेल देलीह त दु महिना के कुपन लेली। थोर बहुत मिला जुला के चले परई छई।
खाद्यान्न आपूर्ति पदाधिकारी अश्वनी कुमार कहलथिन कि एक बेर के तेल में एकेगो कुपन लेवे के हई। अगर एहन शिकायत हई त हम जांच करब अगर दोषी होइथिन त उनका उपर कार्यवाही कयल जतई।