अस्पताल मे नइयां सुविधा

asptalजिला महोबा, ब्लाक जैतपुर, कस्बा जैतपुर, सामुदायिक स्वास्थ्य केन्द्र। ई स्वास्थ्य केन्द्र में कोनऊ तरहा की सुविधा नईयां। जीसे आदमी टटटी, पेशाब ओर पानी खा एते ओते भटकत फिरत रहत हे। जभे कि ईखे बिना बोहतई परेशानी होत हे।
आरी गांव के राजेष ने बताओ कि तीस साल पहले को प्राथमिक स्वास्थ्य केन्द्र बनो आय। एते कोनऊ तरह की व्यवस्था नइयां। आदमी बिजली, पानी सफाई ओर शौचालय के लाने अधीक्षक से मार्च के महिना से सुविधा के मांग करत हे, पे कोनऊ सुनवाई नई होत हे।
गांव टिकरिया के राजाबाई बताउत हे कि 17 मई को बुखार के दवा करवाउन आई हती। बुखार में जल्दी जल्दी प्यास लगत हती तो टंकी को गरम पानी पिये खे लाने मिलो हे। अगर एते एक हैण्डपम्प लग जाये तो मरीजन खा आराम हो जेहे। बुधौरा गांव के सुधा ने कहो कि अगर मरीजन के साथे कोनऊ आदमी आउत हे तो टट्टी पेषाब खे लाने एक किलोमीटर दमर पैदल जाय खा परत हे।
अधीक्षक डाक्टर पी.के. सिंह राजपूत ने कहो कि पानी की व्यवस्था जल्दी करा दई जेहे, अभे मोये एते इत्तो बजट नइया की हम शौचलय जा फिर पेशाब घर बनवा सकन।