जिला षिवहर, के सदर अस्पताल में दु गो चापा कल हइ।जे दुनू खराबे हइ, जेइ कारण रागी अउर कर्मी के पनी के लेल बहुत दिक्कत हो रहल हइ।
8 मइ2015 के सदर अस्पताल में आयल रोगी ओहीदा खातून, विवेक कुमार ,संगीता देवी कहलथिन की ऐइ सरकारी अस्पताल में एगो पानी पीये के साघन त हइत न।देखेला दु-दु गो चापा कल हइ, जे दुनु खराबे हइ।एकोगो कमयाब न हइ।हमरा सबके पियास लगइय त एक किलो मीटर दुर पानी के लेल मेन रोड पर जाय के परइय।पानी के लेल त बच्चा अउर गर्भवती महीला के ज्यादा दिक्कत होइ छइ। कयला की ओइ लोग के जाय आवे में परेषानी हेइ छइ।
एक्सरे एकाउन्टेड सतेन्दर सिंह अउर डाटा अपरेटर विवेक कुमार कहलथिन की हमसब त बोतल में पानी भर के रखइ छी। पानी के लेल त बहुत दिक्कत होरहल हइ ऐइ तबाइ में।
छावा वितरण करे वाली कामनी कुमारी कहलथिन की हम इहो पर दु साल सेकाम कर रहल छी त एगो चापा कल त कहिये से खराब हइ लेकिन एगो चालू रहलइ उ लगभग एक सपताह से खराब हइ। त हम सब की कर सकइ छीअइ,ऐइ पर त पदाघिकारी सबके घ्यान देबे के चाही।
जिला पदाघिकारी कुमार विनोद नारायण सिंह कहलथिन की सदर अस्पताल के चापा कल खराब हइ। अइ के लेल पी एच इ डी विभाग के जानकारी देल जतइ अउर बनवा देल जतइ।