जिला फैजाबाद, ब्लाक पूराबाजार, गांव शाहनेवाजपुर। हिंआ पूरे गांव मा मीटर लागै कै नियम आय बाय। लकिन गांव मा सिर्फ चार-पांच जने के घरे बिजली कै मीटर लाग। पूरे गांव के मनईन कै मांग बाय कि जब नियम आय बाय तौ सबके घरे लागै का चाही।
नौंमी यादव अउर प्रभू यादव बताइन कि एक हजार गांव कै आबादी बाय। सबके घरे मीटर लागै का रहा। महीना भै पहिले गांव मा कुछ जने के घरे लाग। वकरे बाद अब केहू के हिंआ नाय लागत बाय। मीटर कनेक्शन के ताई तीस-तीस रुपया लाग बाय। तबौ नाय सबके घरे लगाइन। जब मीटर लागि जाये तौ सबके घरे सही बिल बाये। जवन बिजली नाय मिलत तबौ ज्यादा बिल आय जाथै।
दर्शननगर पावर हाउस कै जेई. राममनोहर बताइन कि दर्शननगर क्षेत्र के सब गांवन मा मीटर लागे। चैबिस घंटा बिजली दियै कै आदेश भै बाय। जल्दी हर गांव मा मीटर लगाय जाये।