राजकली की बिटिया
जिला महोबा, ब्लाक कबरई, गांव सिजहरी के मजरा बसौरा। एते 7 अक्टूबर 2014 खा दिल दहला देय वाली घटनी भई हे। राजकली ने सास, ससुर, जेठ, जेठानी ओर आदमी के ताना से परेशान होके आपन दूध मुंही बिटिया खा जला के मारो हे। जभे कि राजकली की जेठानी ज्ञान अपनी सफाई में कछू ओरई बताउत हे। ऊ कहत हे कि राजकली ओर ऊखी बहन अंजू घर में हती। राजकली ने अंजू खा मोई बिटिया के साथे डाक्टर के एते भेज दओ, आपन छोट बिटिया के ऊपर मिट्टी को तेल डार खे आगी लगा के खेत चली गई। बिटियन ने बताओ कि राजकली के तीन बिटिया हती। ऊ अपने आदमी बालकिशन के साथे दिल्ली में रहत हती। डिलेवरी कराये खे लाने ईखे छोड़ गओ हतो। राजकली खा लड़कन खे लाने कोनऊ ने कछू नई कहो आय। हमने श्रीनगर थाने में सूचना दई हे।
श्रीनगर थाने के एस.ओ. लालता प्रसाद भास्कर बताउत हें कि धारा 302 (हत्या) के तहत राजकली खा जेल भेज दओ हे।