जिला अम्बेडकर नगर, ब्लाक कटेहरी, गंाव प्रतावीपुर। हिंआ लगभग दुई हजार कै आबादी बाय। राजीव गंाधी बिद्युत योजना से आधे गंाव मा विद्युतीकरण भै बाय। अबहीं तक बिजली नाय आवत। खम्भा से लाग बिजली के तार पै कपड़ा फैलाय जात बाय।
विजयकान्त तिवारी, भोला तिवारी बताइन कि आठ महीना होइगा विद्युतीकरण भये लकिन कनेक्षन नाय भै बाय। जेसे गंाव कै मनई बिजली के तार पै कपड़ा फैलावाथिन। बिजली के सुख के ताई तरस गयन। अब गांव मा विद्युतीकरण भै तबौ बिजली नाय आय। सिर्फ खम्भा अउर तार लगाय के छोड़ देहे अहैं।
कोइला देवी बताइन कि ट्रान्सफार्मर ठीक से नाय लाग बाय। यसे बिजली कै सप्लाई नाय होय पावत बाय। विद्युतीकरण भये कवन फायदा जब बिजली कै सुख न मिलै।