बाँदा जिला के पंडुई गाँव में बिजली तो नही पंहुचा लेकिन बिजली का बिल पहुंच गया

जिला बांदा, बड़ोखर ब्लाक, गांव पंडूई पांच हजार आबादी वाले गांव मा लगभग अस्सी प्रतिशत मड़इन के नाम बिजली का बिल आवा हैं। 13 फरवरी का मुख्य सचिव आलोक रंजन गांव आये रहै। तबै समग्र गांव बनावै खातिर बिना तार लगवाये घर घर मा बिजली मीटर लगवा दीन रहैं। वहिके बाद 25 अक्टूबर का बिल आ गे हैं।
गोरवा अउर राजकुमार का कहब है कि राजीव गाँधी योजना के तहत घर घर बिजली के मीटर लगा दीन गा हैं। खम्भा से घरन तक कउनौ तार नहीं लाग।पै वहिमा बिल आ गे हैं। यहिके खातिर हम बिजली विभाग मा दरखास दीने हन।
गोविन्द प्रसाद बतावत है कि सरकार घर घर बिजली के सुविधा दे का कहत है तौ नीकतान बिजली दें। खाली खानापूर्ति ना करे। पूर्व प्रधान बिजली के बिल सब मड़इन का दिहिस है कहत है कि जउन देखाय तउन करौ।
रामनारायण बताइस कि बिजली जलै चाहे ना जलै बिल आ गे हैं। सब के लगे आठ सौ पचासी रुपिया बिल आवा हैं। हम गरीब मड़ई बिजली भी नहीं जलायेंन तौ येत्ता बिल कसत भरी।

रिपोर्टर- मीरा देवी

06/11/2016 को प्रकाशित