रास्ता में भरो गिलाव
जिला महोबा, ब्लाक पनवाड़ी, गांव लिधौरा खुर्द को मजरा अलीपुरा। एते के वार्ड नम्बर ग्यारह में नाली न होय से पूरी सड़क में पानी फेलत हे। जीसे गांव के आदमियन खा निकरे में बोहतई परेशानी आउत हे।
गांव के परमेश्वरी दयाल, सरास्वाती, रती ओर देवकरन ने बताओ कि हमाये ई मोहल्ला में नाली नइयां। नाली न होय से पूरो पानी सड़क में आउत हें। जीसे गन्दगी रहत हे ओर मच्छर लगत हे। गंन्दगी के कारन आये जाये में बोहतई परेशानी होत हे, ओर बच्चा खेल तक नई पाउत हें। एई से हम चाहत हे कि एते नाली बन जाये तो रास्ता ओर द्वारे में सफाई रहन लगे। अगर नाली बन जाये तो हम गन्दगी ओर बिमारी से बच सकत हे। नाली बनवायें के लाने केऊ दइयां प्रधान से कहो हे, पे ऊ नई सुनत आय।
प्रधान शत्रुघन ने बताओ कि ओते की सड़क छोटी हे ओर चैड़ाई भी नइयां जीसे ओते नाली बनवाई जायें।