चित्रकूट जिला के पी.डब्ल्यू. डी. विभाग के नियमित करमचारी संघ के मड़ई 29 फरवरी का डी.एम. बंगला के लगे से जुलूस निकारिन अउर पी.डब्ल्यू. डी. विभाग मा 1 मार्च स धरना मा बइठ हवै। धरना मा बइठैं का कारन हवै कि उनके तेरह मांगन का सरकार पूर करै। अगर हमार सुनवाई न होइ तौ लखनऊ मा मुख्यमंत्री के लगे जइबे।
करमचारी संघ के जिला अध्यक्ष सुरेश चंद्र जायसवाल अउर कोषाध्यक्ष प्रमोद कुमार का कहब हवै कि जिला मा लगभग तीन सौ नियमित करमचारी हवैं।करमचारिन का पदोन्नति समय के रहत कीन जाये। या समेत मांग इनतान हवैः
इनतान हवैं मांगै-
– एक जइसा काम करै वालेन का सामान वेतन दीन जाये।
– समस्त करमचारिन का वर्दी दीन जाये।
– अंशदान करै वाले करमचारिन के कटौती के पासबुक बनै।
-करमचारिन का वाहन भत्ता का भुगतान करावा जाये।
-चालक के जइसे मेठ, बेलदार वर्क एजेंट से छुट्टी के दिन मा काम अउर काय्र दिवस मा अतिरिक्त काम लें मा भुगतान कीन जाये।
-अंशदान वाले करमचरिन के रिटायर होय मा मरै के बाद कटौती का भुगतान कीन जाये।
– मेठ, बेलदारन का कार्य स्थल भेजै मा लिखित दीन जाये।
– गैंग मेठन का टोकरी का भुगतान करावा जाये।
– मेठ बेलदारन के नाम पार्ट दुइ मा सामान के सर्वे रिपोर्ट बनै।
-संघ कार्यालय खातिर भवन के व्यवस्था करै।