देखावटी मा बनी पानी कै टंकी

जिला अम्बेडकर नगर ब्लाक टाण्डा कस्बा इल्तिफातगंज। हिंआ पानी बराबर न आवय से दस हजार मनई गांव अउर कस्बा वालेन कै बड़ी समस्या।
तुलसीराम, आनन्द, अरविन्द बताइन कि इल्तिफातगंज कस्बा के गांधी नगर अउर आजाद नगर वार्ड मा पानी के समस्या से नागरिक लोग कै समस्या अउर बढ़ी गै बताइन कि लगभग एक सप्ताह से पानी नाय पहुंचत बाय। हिंआ इंडिया टू मार्का हैण्डपम्प भी कम बाय अउर जवन बाय वहौ खराब पड़ा बाय कस्बा वालेन का पानी पियैं खातिर जवन आवत रहा अब वहौ नहीं आवत नगरवासी कै जीवन पानी बिना संकट मा पड़ा बाय ।
नगर पंचायत कार्यालय के लिपिक नियाज बताइन कि वाटर लेबल नीचे चला जाय के कारन इडिया मार्का टू हैण्डपम्प पानी दियब बंद कै दिहिन। टंकी के सहारे पूरा कस्बा मा पानी पूर नाय होय पावत बाय।
सपलाई बाबू अरूण कुमार पाठक अउर मुहम्मद इजाज बताइन कि ऊंचाई वाले क्षेत्र मा जइसै सहजौरा अउर सलारगंढ़ मा पानी नाय पहुंच पावत बाय। जेसे दूसर पम्प प्रस्तावित करा गै बाय। ट्रंास्फारमर अउर जनरेटर आय गै बाय। सर्वे होय के बाद एक़ महीने मा काम चालू होई जाए।