तालाब में डूबे से भई मोत

बड़ा तालाब

जिला महोबा, ब्लाक जैतपुर कस्बा बेलाताल। एते वार्ड नम्बर दो खंदिया मोहल्ला के दस साल के बाबू ओर हलकुट्टी की 4 सितम्बर 2013 खा बड़े तालाब में डूबे से मोत हो गई हे। जीखी सूचना ऊखे परिवार वालेन ने कुलपहाड़ कोतवाली में दई हे।
बाबू की मताई लाड़कुंवर ने बताओ कि मोओ लड़का बाबू ओर भतीजा हलकुट्टी 4 सितम्बर 2013 खा खेले निकर गये हते। हमाई भनेज आई हती। जीखी विदाई में लग गये। जीसे बच्चन खा ध्यान नई दओ, जभेशाम तक बच्चन खा कहूं पता नई चलो तो पूरी रात बच्चन खा गांव में ढूढ़त रहे। जभे 5 सितम्बर 2013 खा तालाब में जाके देखो तो दोनऊ लड़कन की लाश उतरात हती। ईखी सूचना हम लोगन ने कुलपहाड़ कोतवाली में दई हे।
कुलपहाड़ कोतवाली के मुंशी महेश दीक्षित ने बताओ कि अगर प्रधान ओर लेखपाल ने जांच करी होहे तो ऊखे दैवीय आपदा के तहत मुआवजा मिल सकत हे। लेखपाल अशोक विश्कर्मा कानूनगो मूलचन्द्र ने बताओ कि ऊखी जांच के बाद रिपा़ेर्ट जिलाधिकारी ओर मुख्यमंत्री खा पत्र भेजो हे। राहतकोष के तहत ऊखे परिवार खा तीस-तीस हजार रूपइया मदद के लाने दओ जेहे।