पोस्टमार्टम हाउस मा मड़ई
जिला अस्पताल मा भर्ती घायल
जिला बांदा, ब्लाक महुआ, गांव खम्हौरा। 22 मई 2014 का हेंया का चुनकाई यादव शादी के बाद आपन लड़का बहू के बधाई पूजंै पहाडि़या दाई देवी पूजै जात रहै। अनथुआ के पास टैªक्टर पलटै से तीन मेहरिया अउर एक बिटिया के मउत होइगे। सत्ताइस जने घायल हैं जेहिमा दुई मेहरियन का कानपुर रिफर कई दीन गा है।
राम सनेही यादव बताइस कि चुनकाई आपन परिवार के साथै आठ साल से बदौसा कस्बा के बरछा ब मा रहत है। वा अपने लड़का पवन के शादी के बधाई पूजै आपन पैतृक गांव के देवी जी के पूजा करैं जात रहै। टैªक्टर मा एक ही परिवार के 35 जन मेहरिया बच्चन सहित जात रहंै। जइसे ही टैªक्टर गांव कइत मुड़ा तौ दच्चा के कारण टैªक्टर के ट्राली पलट गे। मेहरिया अउर बिटिया सबै टैªक्टर के तरे दब गईं। थोई देर मा चीख पुकार अउर बचाव-बचाव के आवाज सुनाई दें लाग। पास मा लाग राइस मिल के मजदूर हिम्मत कइके बांस बल्ली से ट्राली हटा के घायलन का निकारिन। सूचना मिलतै पूरे परिवार मा कोहराम छा गा। बेसुध परिवार वाले भागत दउड़त बांदा जिला अस्पताल अउर पोस्ट मार्टम हाउस पहुंचे। पूरा दिन अस्पताल अउर पोस्ट मार्टम हाउस मा सिर्फ रोवै के आवाज सुनात रहै। सपा का जिला अध्यक्ष शमीम बांदवी कहिस कि दुर्घटना बहुतै दर्दनाक भे है। मुख्यमंत्री का लिखित भेज के मदद के गोहार लगइहांै।
दूसर घटना मा एक्सीडेंट से फतेहगंज निवासी मिथलेश गुप्ता के दरे मा मउत होइगे। अशोक गुप्ता बताइस कि मिथलेश के बारात 5 जून 2014 का अलोना गांव जाय का रहै। उंई दूनौ भाई मोटर साइकिल से शादी का निमंत्रण दे बांदा जात रहैं। डिंगवाही के लगे पुलिस के गाड़ी टक्कर मार दिहिस जेहिमा मिथलेश के दरे मा मउत होइगे। वहिका बड़ा भाई के गम्भीर हालत होय के कारन कानपुर रिफर कई दीन गा है। शादी के बारात के जघा परिवार अर्थी के बारात जाय का मजबूर होइगा। इं घटनन का काबू पावै मा जिला प्रशासन भी बहुतै मदद करिस है।