जानवर न मिलै से नाराज जनता

जिला फैजाबाद, ब्लाक मया, थाना महराजगंज। हिंआ 19 जनवरी के रात मा सोलह गाय ग्यारह बच्चा पकड़ा गये। जवन अकबर पुर के तरफ से ट्रक से लादके लै जात रहे। जवन किसानन का न दइके बिल्लहर घाट गौषाला का थाना भेजवाय दिहिन। यही से मनई 20 जनवरी से धरना पै बैठा हइन।
राजापुर कै अवधेष वर्मा, सालिकराम, राधेष्याम बताइन कि हमरे सब किसान होई। जवन जानवरन कै देखभाल सही तरीका से करीथी। आज तक जेतना जानवर पकड़ा गै बाटे सब गंाव के मनईन का दियत रहिन। अबकी बार गौषाला भेजवाय दिहिन। यही से 20 जनवरी से थाना पै धरना करे हई।
किसान संद्य कै जिला अध्यक्ष कृष्णाचन्द्र वर्मा, ब्लाक अध्यक्ष सर्वजीत, षोभाराम यादव बताइन कि गाय कै पता नाय सही देखभाल हुवाथै कि नाय। उनका किसानन का षौपा जाए। जब तक यस न करिहैं। थाना मा बैठक करे रहब।
मया महराजगंज थाना कै दीवान रमाषंकर मिश्रा बताइन कि 19 जनवरी का पकड़ा गै रहा। 20 जनवरी का सुबह चचेरा बिल्लहर घाट गौषाला का भेजा गै बाय। मुकदमा अपराध संख्या 37/14 धारा 11घ पषु क्रुरता अधिनियम व 3/5क/8 गोवध निवारण के तहत रिपोर्ट दर्ज बाय। ट्रक यू.पी. 60 टी 3389 थाना पै खड़ी बाय। ड्राइवर ट्रक छोड़के भाग गै।
गौषाला मालिक मोहम्मद रईस बताइन कि गौषाला तीन महीना से चलत बाय। हम कामधेनू अउर मिनी कामधेनू योजना से लोन पास कराय के अच्छी प्रजाति कै गाय पालत हई। थाना मा रखै। का जगह नाय रही। जब तक यकै मुकदमा चलत बाय तब तक रखै का कहे अहै। एक बच्चा थाना पै खतम होइगा रहा। जउने कै पोस्टमार्टम कराय के दफनाय दीन गै। एक विधायक अभयसिंह लै बइन। बाकी सब हमरे पास बाटिन।