चित्रकूट जिले के औदहा गाँव की मैकी के आग लगने से मौत

जिला चित्रकूट, ब्लाक पहाड़ी, गांव औदहा हेंया 25 अप्रैल का घर मा आगी लागे से 45 साल के मैकी के मउत होइगे हवै। आगी लागै समय परिवार वाले खेत गें रहै। तबै पता नहीं कसत आगी लाग गें।पड़ोसी मैकी का बचावै के कोशिश करिन हवैं, पै तबै तक वहिके मउत हो गे रहै।
मैकी के लड़की कविता बताइस कि मोइ महतारी का तीन दिन से बुखार आवत रहै।मैं आपन महतारी का खाना खवा के खेत चली गइव हौ तबै पता नहीं कसत आगी लाग गे हवै।
गांव के मड़ई मोबाइल से सूचना दिहिस हवै तबै हम खेत आय हन।पड़ोसी मुन्ना लाल बताइस कि मैकी के लड़की खाना बनावत रहै।चूल्हा से आगी लाग हवै।आगी दुइ तीन घंटा तक जलत रहै।
पड़ोसी अरुण कुमार बताइस कि जबै मोर बहिनी बताइस कि तबै मैं सबसे पहिले गयें हौं पै आगी ज्यादा जले के कारन मेहरिया का बचा नहीं पायें अउर खुद आगी से जल गये हौं मोर हल्ला सुन के गांव के मड़ई आगी बुझाइन हवै पै तबै तक मेहरिया जल के राख होइ गे रहै।मैकी के बाप निहरवा बताइस कि वहिके मनसवा खतम होइ गा रहै तौ वा हिया रहत रहै।
राजापुर तहसील दार राजेन्द्र प्रसाद पाण्डेय का कहब कि मैकी के लड़का का 4 लाख रुपिया दइ दीन गा खाना खातिर 49 सौ 55 रुपिया दीन गा हवै जले घर खातिर 95 हजार रुपिया दीन जई।

रिपोर्टर- सहोद्रा