गांवन मा भठी परी नाली, फैलत बिमारी

जिला फैजाबाद, ब्लाक तारुन, ग्रामसभा सराय मनोधर, गांव गनेशपुर। यहि गांव मा नल के पानी कै निकार न हुवय से पानी कै जमाव होइगै बाय। जेसे तरह तरह कै बिमारी फैलत बाय। गांव मा सरकारी नाली न बनै से पानी बहि नाय पावत बाय।
गांव कै कुशुम सुमित्रा अउर जगराम कै कहब बाय कि ई गांव मा सरकारी नाली या शोख्ता न बनै से पानी कै निकाी नाय होय पावत बाय। जेसे सब दुवारे दुवारे गड्ढ़ा खोदके पानी इकट्ठा कराथिन। जेहमा बहुत प्रकार कै कीड़ा मकोड़ा पैदा हुआथिन। उनसे तरह तरह कै विमारी फैलाथै। केतनी प्रधानी आय चलीगै लकिन यहि गांव मा कउनौ विकाय नाय भै।
प्रधान मीनाक्षी पाण्डेय बताइन कि अबहीं हमरे खाता मा पैसा नाय आवत बाय। पैसा आवै पै हम कुआ अउर गड्ढन मा ब्लीचिंग पाउडर छिड़कवाउब। अउर पूरी कोशिश करब कि यहि गांव मा नाली बनिं जाए।