जिला चित्रकूट, ब्लाक कर्वी, कस्बा कर्वी, बस अड्डा। हिंया नगर पालिका कइती से 20 जुलाई का नाला के सफाई भे रहै, पै नाला मा पटिया नहीं धरी गे हवै। यहिसे दुकानदार अउर आवं जाये वाले मड़इन के नाला मा गिरं का डेर बना हवै।
आवं जाये वाले राजू अउर श्ंाकर अउर बस अड्डा मा चाट के ठेलिया लगावैं वाल मड़इन का कहब हवै कि नाला खुला होय से बदबू आवत हवै। ऊपर से नाला मा जानवर, य़ात्री या फेर दुकारनदार घुस सकत हवंै। अगर नाला मा घुस जइहैं तौ हाथ गोड़ टूट सकत हवैं। का जबै कउनौ दुघर्टना होइ जई। तबै नगर पालिका वाले नाला मा पटिया धरवइहं। कर्वी नगर पालिका के अधिशाषी अधिकारी लाल चंद्र सरोज का कहब हवै कि अबै पता लाग हवै नाला मा पटिया धरवा दीन जई।