किसानन खे लाने भई जनसभा

जिला चित्रकूट, ब्लाक कर्वी, कस्बा कर्वी। एते पटेल चैरहा में कांग्रेस पार्टी के नेता ने 11 अप्रैल खा जन सभा करी हे। जनसभा करें को कारन रहे कि जिले के किसानन को सूखा राहत को चेक नहीं मिल रहो हे। किसानन के बात कउनौ सुनै खा तैयार नइया। इ जन सभा में केऊ गांव के लगभग पांच सौ आदमी शामिल हते। किसानन के समस्या को लेके तहसीलदार अशोक कुमार सिंह को ज्ञापन दओ हे।
कांग्रेस पार्टी के जिला अध्यक्ष रामभवन, उपाध्यक्ष जितेन्द्र ओर महा सचिव वेद प्रकाश पाण्डेय बताउत हें कि जिले में सूखा परे के कारन किसानन के साथै साथ आम जनता भी सूखा के मार झेलत हे। इसे सब लोग भुखमरी खे कगार में आ गये हें। राशन कार्ड में धांधली ओर किसान सूखा राहत को चेक लें के लाने परेशान हें। एसी सोलह मांगे हें।