काउसलिंग मा रहिगं लड़का लड़की

जिला बांदा, शहर बांदा। बीटीसी 2014-15 के काउसलिंग करावैं आये लड़की लड़का बताइन कि 21सितंबर का धोखा धडी मा काउसलिंग करा लीन गे। या मारे कइयौ जने पीछे रहिगे। अमित कुमार, सौरभ पटेल, भरत अउर अनुरोध कुमार का कहब है कि लड़का लड़की अउर प्राचार्य के बीच कउनौ बात का लइके हंगामा होइगा। प्राचार्य काउसलिंग करावैं से मना कई दिहिस। बहुतै लड़का लड़की लउट गे। दूसरे दिन पता चला कि काउसलिंग हंगामा के कुछ घण्टा के बाद करा लीन गे है। इनतान मा बहुतै जने काउसलिंग नहीं करा पाइन।डी.एम. सुरेश कुमार कहिन कि काउसलिंग के समय भे तोड-फोड के जांच सिटी मजिस्टेट अउर बी.एस.ए. का सउपी गे है। डायट प्राचार्य परीक्षा नियामक प्राधिकारी इलाहाबाद का चिठठी भेज के एक दिन काउसलिंग के अनुमति मांगिन हैं।