अबैध तमंचा के साथै धरे गे दुई लोग

जिला बांदा, ब्लाक तिंदवारी, कस्बा चिल्ला। 9 अप्रैल का चिल्ला थाना एस.ओ. अनीता चैहान दुई अबैध असलहा राखैं वालेन का गिरफ्तार कई लिहिन। तलाशी के बाद जेल भेज दीन गा है।
तारा गांव के कइयौ लोग बताइन कि हमरे गांव का नीरज पटेल तीन सौ पन्द्रह बोर का तंमचा लीने चिल्ला कस्बा के भीतर घूमत रहै। नीरज के साथै लौमर गांव का अवधेश प्रजापति भी रहै। पुलिस अवधेश प्रजापति के तलाशी मा एक सौ बारह बोर का तंमचा अउर जिंदा कारतूस पाइस है। दूनौ दारू के नशा मा धुत रहैं। गांव के मड़ई चुपचाप चिल्ला थाना का फोन कई दिहिन। चिल्ला थानाध्यक्ष अनीता चैहान नीरज अउर अवधेश का गिरफ्तार कई लिहिन। तमंचा अउर कारतूस आपन कब्जे मा लइके दूनौ का जेल भेज दिहिन।
चिल्ला थाना से पता चला कि नीरज अउर अवधेश के खिलाफ धारा 25ए (अबैध असलहा राखब) लगा के छह महीना का जेल भेज दीन गा है। नीरज का मुकदमा संख्या 28/15 अउर अवधेश का मुकदमा संख्या 29/15 है।