का सपा गुंडागर्दी या बीजेपी सांप्रदायिक सौहार्द बिगाड़ने का कलंक मिटा पाई? राजनीति, रस, राय

सबै दोस्तन का नमस्ते, मैं आहूं मीरा देवी, खबर लहरिया के ब्यूरो चीफ। मोर शो राजनीति रस राय मा तुम्हार सबैका बहुत बहुत स्वागत है। एक बार फिर से हाज़िर होई गई हौं राजनीति चर्चा लइके। मोर शो तुम्हैं नहीं सोहत आय का? न ज्यादा लाइक करो न शेयर करौ कमेंट भी बहुत कम करता हौ, काहे भला? अगर तुम्हैं नीक नहीं लागत तौ वहौ भी बता सकत हौ। अच्छा चलौ मुद्दा के बात करी।

तौ बताओ तुम्हारे कइत का माहौल है, चुनाव का? हमरे बुन्देखण्ड के बात कीन जाय तौ बड़े-बड़े राजनेता हेंया एक के बाद एक बारी-बारी से आये परे हैं। कहत हैं हमैं वोट दीनेव या दरकी, हम खूबै विकास करईबे। बात यहै है न नेता जी! कि केतना भरोसा देवइहौ हर दरकी, या भरोसा हर दरकी तोड़ देत हौ। अब तुम्हैं पहिले हमसे कीन गए वादा पूरा करैं का होई, तबै वोट देबे।

पिछले महीना से जेतनी भी चुनावी रैली भईं हैं सबसे ज्यादा भीड़ सपा पार्टी के राष्ट्रीय अध्यक्ष अखिलेश यादव के रैली मा इकट्ठा भे रहै। इनकार जनसैलाब देखके अइसन लागत है कि जनता अखिलेश यादव के सरकार का लावै चाहत है अउर भी जहां इं जात हैं भीड़ जुहात भी है। वा बात अलग है कि नेतन के रैलिन मा भीड़ जुहावै के जिम्मदारी भी छोटा-मोट पार्टी कार्यकर्तन का दीन जात है। होई सकत है यहिंतान लाई गई होय।

ये भी देखें – पीएम ने तीन कृषि कानूनों को वापस लेने की करी घोषणा, चुनावी पैतरा?

अगर एक दरकी का या मान लीन जाए कि अखिलेश सरकार आ जाए तौ जनता का इनसे भी बहुतै डर लागत है। काहे से कि सपा पार्टी का गुंडन वाली पार्टी के नाम से जाना जात है। अगर या पार्टी सत्ता मा आ जाए तौ पहिले जैसे के नौबत फेर से आ जई। अखिलेश यादव युवा के दिल मा राज करत हैं या कोहू से छिपी निहाय लेकिन गुंडागर्दी भी सब कोऊ जानत है। या गुंडागर्दी उनके चुनाव के रैलिन मा खूब देखै का मिलत है। 4 दिसंबर का चंदौली मा योगी के रैली मा सपा कार्यकर्ता पुलिस के साथ खूब झड़प और मारपीट करिन। इनतान के गुंडागर्दी तौ बिल्कुल बर्दाश्त निहाय।

अब मतदाता के सउहें एक बड़ी समस्या खड़ी है। एक कईत खाईं तौ दूसर कइत कुंआ है। मतलब सपा मा जायँ चाहे बीजेपी मा सबै जगह खतरा ही खतरा है। बसपा और कांग्रेस के कउनौ बात ही निहाय। समझ मा नहीं आवत केहिका वोट दें। केहिका भरोसा कइके आपन नेता चुनै। का सपा या बात के गारंटी देई कि गुंडागर्दी का लाग कलंक वा आपन ऊपर से मिटा देई या फिर बीजेपी आपन ऊपर से भ्रष्टाचार, झूठ या सांप्रदायिक सौहार्द बिगाड़ने का कलंक मिटा पाई?

साथी भाई इं सवाल और विचार के साथ मैं तौ चलिव। फेर से अइहौ यहिंतान का राजनीतिक मुद्दा लइके। हमार चैनल सब्सक्राइब कर लेव अउर घण्टी का भी दबाएव। यहिसे या फायदा है कि हमरे सबै वीडियो तुम्हरे पास पहुंच जइहै। सबका नमस्कार

ये भी देखें – प्रधानमंत्री मोदी का महोबा दौरा, न खुश दिखी जनता

(हैलो दोस्तों! हमारे  Telegram चैनल से जुड़े रहिए यहां)