कोरोना वायरस के नाम ले आप सब परिचित तों हवों ही । ये वायरस का हरे, कईसे पैदा होथे, एकर लक्षण ,एक इंसान ले दूसरा इंसान मे कईसे फैलथे , एकर बचाव बर का करना चहिए ? ये सब के जानकारी आप मन ल पिछले साल आए कोरोना के लहर मा बहुत सुने बर मिले होई। लेकिन 2021 मा आए कोरोना वायरस के ये दूसरा लहर मा ना सिर्फ संक्रमण के लक्षण अलग हे बल्कि ये बार वायरस पहिले ले कहीं जादा संक्रामक हो गए हे जेकर सेती अप मन ला पहिले ले कहि जादा सावधानी रखे के जरूरत हे।
हमन अप मन ला बतात हन के असल मा ये वायरस मा का बदलाव आए हे जेकर सेती कोरोना हमर देश उपर अताना हावी होगे हे।
ये साल कोरोना के मरिज मा वायरस के नवा वेरिएन्ट (नवा प्रकार ) अऊ म्यूटेन्ट देखे बर मिले हे। ये म्यूटेन्ट बहुत तेजी ले अपन रूप बदलथे अऊ हररोज नवा अऊ भयानक रूप ले लेथे। वायरस के नवा वेरिएन्ट अतना ताकतवर हे की ये अब हवा मा भी अपन जगह बना ले हे। कोरोना के नान – नान कण अब मरीज के छिके – खांसे मा सरीर ले बाहर निकल के मरे नहीं बलके हवा मे ही लटके रहीथे। जेकर से संक्रमण फैले के खतरा 10 गुना बाढ जाथे ।
जहां हमन देखे हन के पिछले साल ये वायरस 60 साल के मैनखे मन मे जादा होय रीहीस लेकिन ये बार वायरस हा युवा मन ल सबसे जादा अपन चपेट मे ले हे। देश मा सबसे जादा मामला 20-35 साल के युवा मन उपर दिखे हे , जेकर कारण ना सिर्फ बुजुर्ग , युवा बलके बच्चा मन के भी खास ख्याल रखे के जरुवत हे।
अब बात करथन कोरोना वायरस के लक्षण के- ज़्इसे के हमन जानथन के बुखार,खासी, जुखाम , गले मा खराश आदि ये सब तों कोरोना के आम लक्षण आय । लेकिन ये बार कोरोना संक्रमित मरीज मन मे कई ठन नवा लक्षण दिखाई दिस । अगर आप मन ला बुखार , खांसी , के अलावा आँख मा जलन , पेट पिरा , या दस्त जैसे समस्या होत हे, ता ओला हल्का मे बिल्कुल मत लेवव । एखर साथ मा खाना मा स्वाद , या कुछु सूंघ नहीं पात हव ता ये भी कोरोना के लक्षण हो सकत हे। अगर आप ला या आपके परिवार मा कोनों सदस्य ला आइसने सिकायत हे ता बिना देरी के तुरंत कोरोना जांच करावव या नजदीक के डॉक्टर से संपर्क करो। अऊ हाँ साथ ही साथ दो मास्क लगावव अऊ अपन हाथ ला साबुन से बार- बार धोवों अऊ आस पास के लोग मन ला भी बोलव ।
कोशिश करो की अपन दिल,दिमाग,और मानसिक स्वास्थ्य ला ठीक रखो अऊ कोरोना के डर ला अपन उपर हावी होवन मत दव । ये विडिओ मा बताए गए चीज के पालन करो अऊ संक्रमण ला फैले से रोको। कोरोना ले डरो झन बचे के पूरा कोसिस करव , अऊ अपन साथ साथ अपन परिवार के ध्यान रखव।
हिंदी में यह जानकारी आप यहां पड़ सकते हैं :
कोरोना से बचाव के तरीके और उसकी जानकारी
कोविड से जुड़ी जानकारी के लिए ( यहां ) क्लिक करें।
