खबर लहरिया चित्रकूट मोबाइल नम्बर बिना नहीं बनै राशन कार्ड

मोबाइल नम्बर बिना नहीं बनै राशन कार्ड

Ration-card-in-uttar-pradesजिला चित्रकूट, ब्लाक कर्वी गांव भगवतपुर। हियां के मड़ई आरोप लगाइन कि जनसेवा केंन्द्र मा राशन कार्ड के आॅनलाइन फार्म भरावैं के साथ सिम खरीदैं का
बहुतै दबाव मिलत है।

गांव के गोल्हरी कहिस कि मैं 15 मार्च का राशन कार्ड फार्म भरैं बघेलाबारी गईंव। फार्म भरै वाला बुद्धविलाष कहिस कि सिम खरीदौ
अगर मोबाइल नम्बर न होई तौ कार्ड न बनी। सिम खरीदैं का परा है। सबसे ज्यादा समस्या औरतन का आवत हवै काहे से उनके नाम सिम कार्ड नहीं होत आय।
रामपाल अउर भइयाराम कहिन कि पांच लोगन के नाम का राशन कार्ड बनवावैं का हवै तौ पांच सिम खरीदैं का परा हैव। हमरे गांव मा अस्सी लोगन का नई
सिम खरीदैं का परा हवै। जनसेवा केन्द्र के राशन कार्ड बनावैं वाले बुद्धविलाष कहिस कि खाद्यान्न विभाग का हर राशन कार्ड खातिर मोबाइल नम्बर जरूरी है।
सप्लाई विभाग के बाबू अवधेश कहिन की हर राशन कार्ड खातिर मोबाइल नम्बर जरूरी हवै काहे से वहै नम्बर मा राशन कार्ड का पासवर्ड अई तबै कार्ड बनी।