चित्रकूट जिला के ग्राम पंचायत अगरहुंडा के दलित मजरे बुगया मा लगभग 100 घर के आबादी हवै। हिंया एकौ नल नहीं आय। एक कुआँ हवै, तौ वहौ सुखान हवै। गर्मी के पानी के एतनी समस्या होत हवै, कि हिंया के मड़ई एक दूसर का मारै- पीटै मा उतर आवत हवैं। कुंती बताइस हवै कि कुआँ से पानी भरै खातिर एक दूसर से मारपीट कर डारत हवैं। कउनौ आगे, तौ कउनौ पाछे होई जात हवै। अर्जुन कुमार का कहब हवै कि मारपीट मा मड़ई कुआँ मा गिर जाये या हाथ पांव टूट जाये तौ का करी? चार साल से प्रधान से कहित आहिन, पै प्रधान सुनतै नहीं आय। वोट लें भर आवत हवैं। खंड विकास अधिकारी आशाराम का कहब हवै कि इनतान के समस्या अबै तक मोर संज्ञान मा नहीं आय। अगर आई होत तौ पता तौ चलतबै करत। शिकायत अई तौ उनकर निराकरण कीन जई। अगर समस्या पाई जात हवै, तौ हुंवा पानी के व्यवस्था कीन जई।
रिपोर्टर: सहोद्रा
Published on May 25, 2018
