जिला अम्बेडकर नगर, ब्लाक भीटी। तहसील मा दुई सरकारी नल लाग बाय। जवन गन्दा पानी दियत बाय। पांच साल से पानी कै टंकी लाग बाय उहौ खाली देखावटी मा बनीं बाय।
तहसील मा आये फाातिमा, रमेष बताइन कि पानी कै यतनी दिक्कत बाय कि बोतल कै खरीदके पीयै का परत बाय। दुई इंडिया टू मार्का हैण्डपम्प लाग बाय जवन दूषित गन्दा पानी दियत बाय। लाखों रुपया खर्च कइके सरकार तहसील परिसर मा पानी कै टंकी बनाय देहे बाय उहौ नाय चालू भै। यतना ज्यादा गर्मी हुवय के कारन हर पल पानी कै जरूरत रहाथै। बारअध्यक्ष सत्यप्रकाष षुक्ला बताइन कि सांसद हरिओम पाण्डेय भी आष्वासन दिहे रहे। कि वाटर कूलर लगुवाय दिया जाये।
भीटी तहसीलदार रामसहाय कष्यप बताइन कि तहसील परिसर मा पानी कै बहुतै दिक्कत बाय। कार्यदायी संस्था द्वारा तहसील भवन बनै के बाद तत्काल अधिकारिन का यकै ध्यान दियै का रहा। एस.डी.एम. के माध्यम से जल निगम का सूचना भेज दिया गै बाय। बजट आये के बाद पानी कै टंकी चालू कराय दिया जाए।