हेडमास्टर कहिस-स्कूल के हालत जर्जर

जिला चित्रकूट, ब्लाक रामनगर, गांव करौंदी कला। हिंया का प्राथमिक स्कूल जर्जर हवै। वा कत्तौ भी गिर सकत हवै। स्कूल के मरम्मत करवावैं खातिर रामनगर बी.आर.सी विभाग मा 1 सितंबर का लिखित दरखास दीन गे, पै अबै तक ध्यान नहीं दीन गा।
स्कूल मा पढै़ वाले बच्चा कहिन कि स्कूल पढै़ खातिर मजबूरी मा जाये का परत हवै। अगर स्कूल पढै़ नहीं जइत हन तौ महतारी बाप मारत हवैं। यहिसे स्कूल जइत हन। स्कूल के हेडमास्ट मानसिंह का कहब हवै कि स्कूल के दीवार छत अउर फर्स टूट हवैं। बाउन्ड्री भी नहीं बनी आय। स्कूल जर्जर होय के कारन गिरै का डेर हवै। का जबै कउनौ दुर्घटना होइ जई तबै स्कूल के मरम्मत होइ।
रामनगर बी. आर. सी. विभाग के समन्वयक अखिलेश कुमार पाण्डेय का कहब हवै कि स्कूल के मरम्मत करवावैं खातिर सरकार के लगे लखनऊ मा 23 सितंबर का प्रस्ताव बना के भेज दीन गा हवै। बजट अई तौ होइ सकत हवै कि स्कूल के मरम्मत होय।