हाई टेंशन तार छुवय से दुई कै मउत, छह घायल

जिला फैजाबाद, ब्लाक मया, ग्रामसभा रामापुर, गांव लक्ष्मनपुर। 19 मई का भीटी अम्बेडकर नगर के दिलावरपुर से श्रीधर पाण्डेय के हिंआ बारात आय रही। द्वार पूजा पै जात समय डीजे के ऊपर हाईटेंशन तार छुई जाय से दुई मनई जलि गइन। पांच जने झुलस गइन उनका जिला अस्पताल मा भर्ती कराइन।
गांव कै रामउजागिर बताइन कि गांव मा राजकुमार के लड़की कै षादी रही। द्वारपूजा कै तैयारी चलत रही। वही के साथे डीजे भी जात रहा। रास्ता मा लाग ग्यारह हजार बोल्टेज कै तार ढ़ीला हुवय से डीजे मा छुइगैं तीन मनई तुरंत जलि गइन। अउर पांच मनई झुलस गइन। रात मा लगभग एक बजे विद्युत विभाग कै अधिषाषी अभियंता एस.पी. यादव मौके पै पहुंचके तार ठीक करवाइन।
सेनपुर गांव के मनइन कै कहब बाय कि ष्यामजी अपने घर कै मुखिया रहिन। महतारी भाई बहिन सबकै उनहीं सहारा रहिन। ड्राइवर के साथे साथे अच्छा मैकेनिक रहिन।
गोषाईगंज थाना कै थानाध्यक्ष नरेन्द्र सिंह बताइन कि भीटी अम्बेडकर नगर गांव परियायें कै दीपक गौड़ सेनपुर कै ष्यामजी यादव बेटवा षिवकुमार कै तुरन्त जलिके मउत होइगै।