हमार मांग पूरी करौ, हमार मांग पूरी करौ

चित्रकूट जिला। हिंया कइयौ विभाग के अवर अभियंता 18 फरवरी से बेड़ीपुलिया के लघु सिंचाई विभाग मा धरना मा बइठ रहैं। उनके धरना धरै का उद्देश्य हवै कि सरकार उनका बयालिस सौ ग्रेड का बढ़ा के अड़तालिस सौ करै। अबै तौ कार्य बहिष्कार कइके धरना धरे हन। 2 मार्च से अनिश्चित कालीन धरना कर्वी सिंचाई विभाग मा धरे हन। अगर सुनवाई न होइ तौ मुख्यमंत्री का ज्ञापन भेजा जई।
महासंघ के सचिव रुपेश कुमार पाण्डेय का कहब हवै कि अवर अभियंता विकास के रीढ़ के हड्डी के समान हवै। काम तौ बहुतै करै का परत हवै। हमार कइयौ कामन मा ड्यूटी सरकार कइती से लगा दीन जात हवै, पै हमका वहिकर रुपिया नहीं दीन जात हवै। जउन ग्रेड भी सरकार देत हवै। वा बहुतै कम हवै। जबै तक सरकार मांग पूर न करी तबै तक यहिनतान धरना मा बइठे रहिबे।
अवर अभियंता सुनील कुमार कहिन कि सरकार हमार ग्रेड काहे नहीं बढ़ावत।