सड़क टूटै से परेशानी

जिला फैजाबाद, ब्लाक मया। हिंआ दुई जिला के बीच से जाए वाली सड़क कइयौ साल से बदहाल भै बाय। जेसे आवै जाए मा काफी दिक्कत कै सामना करै का परत बाय।
डीके शर्मा कै कहब बाय कि ई सड़क एम.एल.सी. के कोटा से बना रहा। अमसिन से मीठेपुर कै पांच किलोमीटर सड़क पै लेपन कै कार्य नाय भै बाय। ई सड़क गोशाईगंज अउर कटेहरी दुइनौ विधान सभा मा परै से सड़क कै काम अधर मा लटका बाय। बेरा त्रिलोकपुर अमसिन दफ्फरपुर मीठेपुर खैरा का जाथै।
यहिंके मनई संजय सिंह मनीष वर्मा कै कहब बाय कि हमरे सबका रास्ता बदलके आवै जाए का पराथै। जवन काम एक घंटा मा हुवत रहा उहै दुई घंटा मा हुआथै।
सड़क कै जल्दी मरम्मत करावा जाए।
एम.एल.सी. हीरालाल यादव बताइन कि जांच कइके फिर सड़क बनै कै प्रस्ताव भेजा जाये।