जिला अम्बेडकर नगर, ब्लाक कटेहरी, गांव मुसरिमपट्टी। हिंया प्राथमिक विद्यालय सन 2005 से बना बाय। सरकार कइयो लाख रूपया खर्च कइके स्कूल बनवाय दिहिस लकिन आज तक स्कूल मा जाय कै रास्ता नाय बाय।
स्कूल कै लडि़कयन इन्दू, बिन्द,ू भूपेन्दर, कुसुुम, पूजा, लक्ष्मी सब बताइन कि स्कूल मा रास्ता न रहै से खेते के मेड़े पर की आई थी। बरसात के समय मा मेड़ पै सरकहल होई जा थै। कहियो-कहियो सरक कै गिर जाई थै। कपड़ा मा माटी लागि जाथै। भीग जा थै अउर एकाध दांय तौ गोड़े मा मोच आय जा थै।
स्कूल कै प्रधानाध्यापक सदाराम, शिक्षामित्र दिनेश कुमार बताइन कि बरसात के मौसम मा बहुत कम लडि़का आवाथिन पचासांै बच्चै नाय अउतिन रास्ता बनावै खातिर प्रधान से कइयौ दाय कही थी लकिन ध्यान नाय देतिन। प्रधान शांती तिवारी कै बेटवा बृजेश तिवारी बताइन कि रास्ता बनावै कै मनरेगा के तहत प्रस्ताव दिहेन बजट पास होई गै बाय। अब दरवन ड्रे नाला के बगल से बने। प्रधान शांती तिवारी बताइन कि बरदहा गांव लोहिया ग्राम घोषित भै बाय अबहीं सब वहमा जुटा हईन ऊ जब पूरा होई जाये तब स्कूल कै रास्ता बने।
