स्कूल के शौचालय कै बिगड़ी स्थिति

जिला फैजाबाद, ब्लाक पूराबाजार। हिंआ के कइयौ स्कूलन कै सफाई व्यवस्था बदहाल बाय। सफाईकर्मी सफाई करै नाय अउते।
जलालुद्दीन प्राथमिक विद्यालय पूरा द्वितीय कै गेदहरै सरिता कुसुम अउर प्रकाश बताइन कि शौचालय बहुत गन्दा बाय। काफी झाल झंखाड़ हुवय से वहमा जात डर लागाथै। जेसे केहू जात नाय।
सहायक अध्यापक रागनी सिंह, सरोज देवी बताइन कि हमरे स्कूल मा एक सौ तिरपन गेदहरै बाटे। शौचालय मा बड़ी-बड़ी घास जामीं बाय। यही कारण वहमा गेदहरै जात डेराथिन। कहूं कुछ काटि न लियै। कइव बार जांच कइके लै गइन लकिन सुनवाई नाय हुवत।
बी.डी.ओ. राजपति देवी बताइन कि सफाई कर्मी हेमनाथ कै ड्यूटी चुनाव मा लगावा गै बाय। यही से नाय पहुंचत अहैं।
खण्ड शिक्षा अधिकारी शियाराम वर्मा बताइन कि अबहीं हमार एक हफ्ता भै नई पोस्ंटग भै बाय। हम जांच कराऊब फिर शौचालय ठीक करवाय जाये।