स्कूली गेदहरा पै हमला

जिला अम्बेडकर नगर, ब्लाक कटेहरी ,अन्नावां बाजार। हिंआ कै दुई दुकानदार मिठाई वाले का शिवबाबा धार्मिक स्थान पै पालीटेक्निक स्कूल कै चार छात्र पांच नवम्बर का प्रसाद लियै के विवाद मा मारपीट करिन।
मंजीत गुप्ता बेटवा राधेश्याम  गुप्ता ,सभाजीत गुप्ता बेटवा बरसाती गुप्ता बताइन कि पालीटेक्निक स्कूल कै चार छात्र अमरनाथ अउर सुमित मिश्रा दुई जने अज्ञात जवन कााशीराम आवास मा अवैध रुप से रहाथिन। वहि आवास मा पचासौ छात्र हइन जवन दबंगई ज्यादा कराथिन। प्रसाद सभाजीत के दुकान पै लिहिन। पैसाा के लेनदेन मा विवाद होइगै। तौ सब जने जुटिके सभाजीत का मारै लागिन। बचावै के ताई दौरिन मंजीत उनहूं का मारै लागिन। यतना मारि दिहिन कि मूड़े मा काफी चोट लाग गै बाय। अकबरपुर थाना कोतवाली मा रिपोर्ट लिखाइन।
प्रभारी निरीक्षक योगेश शाह बताइन कि मंजीत के तहरीर पै अमरनाथ अउर सुमित मिश्रा के खिलाफ एन सी आर दर्ज भै बाय। एन सी आर संख्या 211/15 504 (गाली गलौज) लाग बाय। घायल मनइन का मेडिकल के ताई भेजागै बाय। रिपोर्ट आवै के बाद कार्यवाही होये।