सोलर लाईट थप हो गेल

बंद परल सोलर लाईट

जिला सीतामढ़ी, प्रखण्ड रीगा, पंचायत अन्हारी गांव भारहा, वार्ड नम्बर तेरह। उहां सोलर लाईट 2009 में लगलई। छह माह बरलई, ओई के बाद बंद हो गेलई। सोलर लाईट चालू रहलई त रास्ता पर आवे जाये में सुविधा रहई। अब रात-विरात में जाये में दिक्कत होई छई।
उहां के एनुल अंसारी, जहांगीर अंसारी, बरकत अंसारी लगभग पांच लोग कहलथिन कि लगभग पांच साल पहिले प्रमुख के फण्ड से सोलर लाईट लगलई। छौ महीना बरलई त हमरा सब के दूरा-दरवाजा पर रोशनी रहई। लोग के आवे जाये के रास्ता पर रोशनी रहलई। ओई के बाद बंद हो गेलई तब लोग के आवे जाये के रास्ता अउर दुरा दरवाजा सब जगह अंधेरा हो गेल, कुछ दिन पहिले मिस्त्री आयल रहलथिन, बनलथिन त कुछ दिन बरलई। ओई के बाद बंद हो गेल से आज तक बंद हई। सोलर लाईट बंद होय के कारण इहां के लोग के अंधेरा में रास्ता पर आवे जाये में दिक्कत होई छई। सरकार गांव-गांव अउर चैक-चैक पर सोलर लाईट लगलथिन कि गांव के लोग के रोशनी मिले। मगर सब जगह के सोलर लाईट थप हो गेल।
मुखिया नूरजहां पति इवराव उर्फ नन्हे अंसारी कहलथिन कि सोलर लाईट मरम्मती के लेल कोई सूचना न आयल हई। प्रखण्ड विकास पदाधिकारी कामीनी कुमारी कहलथिन कि अभी जिला से सोलर लाईट मरम्मत के लेल कोई आदेश न आयल हई। ओई पर हाईकोर्ट से केश चल रहल हई।