बांदा तहसील मा धरें हैं पौधा
बांदा शहर का हरा भरा बनावैं का ध्यान मा धइके एस.डी.एम. एक हजार पौधन का लगावइहैं। इं पौधा तहसील मा एस.डी.एम. आफिस के सउहें धरे हैं।
एस.डी.एम. गिरीश कुमार शर्मा बताइन-“बारिश का सन्तुलन बनाये राखैं खातिर वृक्षारोपण (पेड़ लगावैं) करब जरूरी है। नहीं तौ उत्तराखण्ड जइसी के समस्यन का बढ़ावा मिलत है। दूसर बात बांदा शहर का हरा भरा अउर सुन्दर बनावैं खातिर एक हजार पौधा फर्ररूखाबाद के कायमगंज से मंगाये गे हैं। जेहिमा आम, चन्दन, करौंदा, कदम, सागौन, कचनार, साइकस अउर बाटल काम जइसे के पौधा हैं। इं पौधा लगावैं खातिर बांदा शहर के सुरक्षित जघा का चुना जई। जहां पौधन के देखभाल अउर सुरक्षा होई पावै। जइसे कि आफिस, स्कूल अउर बड़े तालाब। पौधा लगावैं का काम एक हफ्ता मा निपटा लीन जई। अगर कउनौ मड़ई आपन इच्छा से पौधा लगावैं चाहत है, तौ लगा सकत हैं।