सुनवाई न होइ तौ भूख हड़ताल करबे

जिला चित्रकूट, ब्लाक कर्वी, पटेल चौराहा मा भारतीय जनता पार्टी वाले किसानन के समस्या का लइके 9 मई से क्रमिक अनशन मा बइठ हवैं। उनके मांग हवै कि जिला के किसानन का सूखा राहत, ओलावृष्टि के दूसर चेक, जानवरन का भूसा अउर पानी के व्यवस्था कीन जाये। कर्वी, पहड़िया बुजुर्ग सानी गांव के हरिश्चन्द्र विश्वकर्मा कहिस कि सूखा राहत का चेक नहीं मिला। खेती मा कउनौ फसल नींक नहीं भे। यहिसे भूखन रहैं के कगार मा पहुंच गये हौं। पहाड़ी ब्लाक गांव खरसेड़ा का बद्री विशाल कहिस कि गांव मा आठ हैण्डपम्प हवै। उनमा खारा पानी निकरत हवै। पानी पियै मा जी मिचलात हवै। कर्वी एस. डी. एम. रजनीश कुमार मिश्र कहिन कि ज्ञापन नहीं दिहिन। किसानन के समस्या खतम करैं खातिर सूखा राहत अउर ओलावृष्टि का चेक दें का काम चालू हवै।

रिपोर्टर – तबस्सुम