सुधरैं के आसरा टूट तौ लगा दिहिस मुकदमा

जिला बांदा, ब्लाक ब्लाक बड़ोखर खुर्द, गांव लामा। हेंया के पली बढ़ी लड़की पुनिया के शादी बीस साल पहिले बांदा शहर के छाबी तालाब मा राम किशोर से भे रहै। रामकिशोर के सुधरैं के आसरा मा दस साल का समय गुजारैं के बाद वा 10 दिसंबर 2014 का खाना खर्चा का मुकदमा लगा दिहिस है।
पुनिया का कहब है-“रामकिशोर बांदा नगर पालिका विभाग मा संविदा मा सफाई कर्मी है। बीस साल शादी भे होइगे एक दिन खुशी का दिन न बीत होई। चार बच्चन का मैं मजदूरी कइके खवावत चली आई हौं। रामकिशोर आपन वेतन मा मिले रूपिया से दारू पियत है। जुआं खेलत है। बीस साल के बीच चार दरकी पंचायत कइके लिवा गा है कि वा मारपीट न करी। आपन रूपिया से घर खर्च चलाई, पै वा आपन आदत से बाज नहीं आवा। या मारे खाना खर्चा का मुकदमा लगा दीने हौं।”