जिला अम्बेडकर नगर, ब्लाक कटेहरी अउर भीटी। हिंआ गनेशपुर माइनर झाडि़यन से पटी बाय। पानी नाय आवत किसान कै फसल सूख जात बाय। हजारों किसान सिंचाई कराथिन। धान कै बेरन पिछर जात बाय।
कटेहरी ब्लाक कै गंाव खेमापुर, अटवाई, संग्रामपुर, पिलखावा, बनगांव, भरथुआ, सतरही, जरूखा जइसन दर्जनों गांव कै किसान सिंचाई कराथिन। किसान अनिल सिंह, रामनिहाल, राजेन्द्र वर्मा बताइन कि शारदा सहायक नहर से निकरा माइनर फैजाबाद अउर अम्बेडकर नगर जिला मा हजारों किसान फसल के सिंचाई कराथिन। शारदा सहायक नहर कै सफाई होई गै अन्तिम मई महीना तक पानी भी आय गै बाय लकिन अबहीं तक माइनर मा पानी नाय आय बाय। किसानन के उरद, मंूग, बजरी, मक्का, गन्ना कै फसल मुरझाए जात बाय। धान कै बेरन भी पिछर जात बाय। बहुत तेज धूप के कारण जानवर कै चारा चरी सूख कै जहर होई जात बाय। वही से जानवर बिमार होई जाथिन। अगर माइनर कै सफाई कराय दिया जाए तौ माइनर मा पानी आय जात किसान कै फसल के सिंचाई करै मा आसान होई जात। माइनर तौ अम्बेडकर नगर क्षेत्र मा भी बाय लकिन यकर देखरेख के जिम्मा फैजाबाद अधिशाषी अभियंता कै बाय। पचासन किलोमीटर दूर बैठा अधिकारी यकर ध्यान नाय देतिन।
सिंचाई विभाग के अधिषाशी अभियंता धर्मेन्द्र कुमार यादव बताइन कि मनरेगा के तहत माइनर सफाई करावै कै विचार किया जात बाय जल्द ही सफाई कराय के पानी टोल तक पहुचाय जाय।
डी.एम. विवेक बताइन कि यकरी खातिर आवश्यक प्रयास किया जात बाय किसानन का परेशानी न होय पाये यकरे पहिले समस्या के निदान कराय दिया जाये।