सिर्फ नाम की गौ-माता, अकबरपुर में नहीं है कोई गौशाला

जिला अम्बेडकरनगर, क़स्बा रसूलाबाद अम्बेडकरनगर मा आजादी के पहले कै बना काजी हाउस एकदम जर्जर गिरे के कगार पै आयगा बाय।वैसे तौ काजी हाउस जानवरन के रहै ताई बना रहा लकिन अब वहमा जानवर नाय रहते।  काहे से घर कब गिर जाय कुछ पता नाय बाय।जिला अम्बेडकरनगर, क़स्बा रसूलाबाद अम्बेडकरनगर मा आजादी के पहले कै बना काजी हाउस एकदम जर्जर गिरे के कगार पै आयगा बाय।वैसे तौ काजी हाउस जानवरन के रहै ताई बना रहा लकिन अब वहमा जानवर नाय रहते।  काहे से घर कब गिर जाय कुछ पता नाय बाय। आलोक दूबे प्रदेश अध्यक्ष गौरक्षा सेवा समिति कै कहब बाय कि अकबरपुर मा कउनौ सरकारी गौशाला नाय बनीं बाय। एक पुराना काजी हाउस बना बाय जेकै छत सही नाय बाय। बरसात मा पानी चुआथै।वहपे गौरक्षा सेवा समिति के तरफ से पन्नी डलवाई गए बाय।  नगर पालिका के अधिकारी कै कहब रहा कि जवन चोटहिल जानवर पावा जाथिन उनकै समिति अपने पैसे से इलाज करवावत बाय। वक्रे बाद अगर मात्र छाया के ताई काजी हाउस मा रखै चाहाथै तौ वहिंकै अधिकारी जानवरन का रखै नाय दियत रहिन। लालू जायसवाल कै कहब बाय कि दुई बछड़ा लाय गा रहा एक कै पैर फैक्चर भा रहा। अबहीं तक दुई बछड़ा मरि चुका अहैं। हियां गन्दा पानी निकरै कै व्यवस्था नाय बाय। बीरेन्द्र कुमार गौशाला कर्मचारी कै कहब बाय कि गौशाला मा पानी समय-समय पै आवाथै। छुट्टा जानवर यहमा नाय बांधा जाते जवन चोरी कइके लै जात समय गाड़ी मा पकरा जाथे वै रखा जाथे। राममिलन कै कहब बाय की हमरे समय मा गौशाला, गौशाला लागत रही अब तौ खंडहर बनिगा बाय। आलोक कुमार कै कहब बाय कि राज्य सरकार कुछ करत नाय देखात बाय सिर्फ वादा पै वादा करत बाय। अगर वादा कै निर्वाहन सही तरीका से न होये तौ 2019 तक हम स्वयं एक विशेष मुहिम चलायके कड़ी से कड़ी निंदा करब सरकार गौ रक्षा के ताई कइयो मुहिम चलावत बाय लकिन जब इनके संरक्षण कै बात हुआथै तौ कउनौ व्यवस्था नाय देखात बाय।  दयाराम सभासद प्रतिनिधि कै कहब बाय की पहले से जवन दुई कमरा अउर बाउंड्रीवाल बना बाय ऊ जर्जर होय चुका बाय।जैसे स्टीमेट बने टेंडर पड़े। काजी हाउस ब्रिटिस गौरमेंट के आजादी के बाद बना है पहले वका जिला पंचायत डील करत रहा। सुरेश कुमार मौर्य अधिशासी अधिकारी कै कहब बाय कि काजी हाउस बहुत ही पुराना अउर जर्जर अवस्था मा बाय। अब ऊ उपयोग के लायक नाय रहिगा बाय। वर्तमान सरकार मा काजी हाउस या गौशाला का प्राथमिकता के आधार पै लिया जात बाय। यहिसे हमार नगर पालिका परिषद् गौशाला के ताई कागज़ तैयार करत बाय। जल्द ही शासन का भेजा जाये।बजट मिलै पै अक अच्छा सा काजी हाउस, गौशाला कै निर्माण कराय जाये।

रिपोर्टर- संगीता

Published on Jul 31, 2017