जिला बांदा, ब्लाक नरैनी, ग्राम पंचायत मुकेरा मजरा किशनी पुरवा। हेंया महात्मा गांधी राष्ट्रीय रोजगार गारन्टी योजना (मनरेगा) के तहत काम करैं वाले मड़इन के जांब कार्ड तौ 2008 मा बने हैं, पै उनका काम एकौ दिन नहीं मिला। कइयौ मड़इन के जांब कार्ड सादे धरे हैं।
गांव का दादूराम बतावत है-“मोर जांब संख्या 370 है। जबै से या पंचवर्षीय के प्रधानी आई तबै से एकौ दिन काम नहीं मिला आय। सरकार कइत से तौ गरीबन खातिर योजना लागू होई जात है, पै उंई योजनन का लाभ गरीब मजदूर अउर जनता नहीं तक पहुंच पावत है। कउनौ का काम मिलत है तौ कउनौ मजदूरी पावैं का भटकत है। कउनौ काम न मिलै से परेशान है जबै कि मनरेगा के काम मा बजट भी बहुतै आवत है।
प्रधान जुगुल किशोर कहत है कि किशनी पुरवा मा जउन मड़इन के जॉब कार्ड सादे धरे हैं उंई काम नहीं करैं चाहत आय। बगैर मेहनत का रूपिया ले चाहत हैं। नहीं मनरेगा मा बहुतै काम चलत है।
नरैनी बी.ड़ी.ओ. किशुनलाल सोनकर कहिन कि मड़ई काम के मांग प्रधान अउर सचिव से करंै। अगर उंई नहीं सुनत आय तौ ब्लरक मा लिखित कहैं।