बांदा जिला, ब्लाक नरैनी, गांव कटरा कालींजर। या गांव का नवम्बर 2014 मा भाजपा पार्टी के सांसद भैरों प्रसाद मिश्रा गोद लिहिन हैं। यहिके बाद भी गांव घुसतै लोगन के मुंह से समस्यन का अम्बार सुनै का मिलत है।
शौचालय खातिर गड्ढा खुदे 15 दिन से परे हैं। अगर जल्दी न बनिहैं तौ बरसात के महीना मा घरन मा पानी घुसै लाग है अउर हमार घर गिरै के नउमत आ गे है। सांसद ध्यान नहीं देत है।
हमरे गांव मा 25 साल से लाग बिजली के तार जर्जर होइके टूटै लाग हं। इं तार अब टूटै लाग है। पिछले साल तार टूटै से एक घोडा के मउत होइगे। अगर बिजली के तार न बदले जइहैं तौ कउनौ अउर गम्भीर हादसा होइ सकत है।
प्रधान गोली देवी के बोली, ‘मोरे ग्रंाम पंचायत मा 277 शौचालय आय है। मड़इन के खाता मा रुपिया आवैं वाला है। जल्दी ही शौचालय बनवा दीन जइहैं। पानी के समस्या खातिर सांसद से कहे हौ। मैं अनपढ़ हौं चेक मा दसखत बस करती हां।’