ससुराल वालेन के बिना मने, शादी यहिसे करत परेशान

जिला बांदा, ब्लाक महुआ, गांव खुरहण्ड। हेंया के प्रीती का आरोप है कि ससुरल वालेन के बिना मन के लब मैरिज से वहिके शादी बडोखर ब्लाक के गांव कतरावल का मजरा राजाराम के पुरवा मा रहैं वाले रविन्द्र साथैं भे रहै। यहिसे सास, ससुर, जेठ अउर देवर मारपीट करत हैं कलमा नहीं रहैं देत। मैं कइयौ दरकी दरखास खुरहण्ड चैकी मा दीन हौं, पै कउनौ सुनाई निहाय।
प्रीती का कहब है कि हम कुछबधिया जाति के आहूं। रविन्द्र अउर मोरे दूनौ के मन से तीन साल पहिले शादी भे रहै। ससुराल वाले या शादी मानै से इनकार करत है। उंई मोर मनसाव से कहत है कि तै यहिका छोड दे अउर दूसर शादी कर ले । मनसवा उनके बात नहीं मानत आय। यहिसे उंई आये दिन मोरे साथै मारपीट करत हैं अउर कहत है कि घर से निकर जा । मोरे दुई छोट लडकी हैं मनसवा दिन भरे का कामे चला जात है। अगर मनसवा कुछ बोलत है, तौ वहिका भी मारैं का तैयार होत है। यहिसे परेशान होइके मैं कइयौ दरकी खुरहण्ड चैकी मा उनके खिलाफ दरखास दीन हौं, पै पुलिस एकौ दरकी दुआरे झाकैं नहीं आई। कारवाही करब तौ दूर के बात है। यहिसे अब मैं एस.पी. का भी दरखास दीन हौं।
ससुराल मा बात करैं के फोन से कोशिश कीन गे पै नहीं भे।
एस.पी. आर.पी. पाण्डेय वहिका भरोशा दिहिन कि उंई खुरहण्ड चैकी मा बात कइके कारवाही करैं का कहिहैं।