सरपत से ढंकी सड़क, एक्सीडेन्ट कै डर

जिला फैजाबाद, ब्लाक मया, गंाव पौसरा बाहरपुर अउर रमनपट्टी। सड़क के दुइनौ तरफ सरपत अउर काष से रास्ता ढंका बाय। जेसे लगभग तीस गंाव कै मनई परेषान अहैं। एक्षीडेन्ट कै डर हमेंषा बना रहाथै।
रमनपट्टी कै प्रेमा, पौसरा कै छिन्कू बताइन कि हमरे सबकै यहि रोड से रात दिन, देर सबेर आउब जाब लाग रहाथै। अगर कउनौ गाड़ी मोटर आवत रहाथै तौ दूर से हार्न न बजावै तब पता नाय चलत।
मयाभीखी कै राकेष, रामसहाय बताइन कि बेनीपुर पौसरा, राजबाहर तक कै दुई कोष तक सड़क बन्द पड़ी बाय। इहै चिन्ता बनीं रहाथै कि कहूं चोर डकैत न मार के लूट लियैं। समन्था कै कमलेषा देवी बताइन कि छोट-छोट गेदहरै पढ़ै-लिखै जाथिन जब तक घरे नाय आय जातिन तब तक डर लाग रहाथै। सालभर होइगा एक बार सरपत कटाये रहे वकरे बाद से पूरा सड़क पै छाये बाय।
मयारामपुर कै प्रधान प्रहलाद अउर मयाभीखी कै प्रधान करूणेष प्रताप बताइन कि ई समस्या बहुत जटिल बाय। जब हमरे सबके खाता मा मनेरगा कै पैसा आवत रहा तौ सफाई कराय दीन जात रहा। अब पैसा नाय आवत बाय तौ कैसे सफाई होये?
बी.डी.ओ. महेन्द्रदेव बताइन कि 1 अक्टूबर 2014 से ई नियम बना बाय कि केहू भी प्रधान अपने मन से माइनर या गुलाबा नहर कै सफाई नाय कराय सकत। लिस्ट बनाय के डी.एम. से पास कराये के बाद जाए के पैसा पास होये।