समय से रूपिया नहीं निकरत

जिला चित्रकूट, ब्लाक मऊ, कस्बा खण्डेहा। इलाहाबाद यू.पी. ग्रामीण बैंक एक महीना से समय से नहीं खुलत हवै। यहै से मड़ई परेशान रहत हवैं। बैंक मा दिन भर बइठ रहै का परत हवैं। घर का पूर काम छोड़ के जाये का परत हवै, पै बैंक मैनेजर समय से नहीं आवत आय।
हिंया के रामसिंह, रामनारायण सिंह अउर सुरेश समेत दस मड़इन का कहब हवै कि बैंक दस बजे नहीं खुलत आय, बारह बजे खुलत हवै। तबै तक मा बहुतै भीड़ होइ जात हवै। या कारन हमार रूपिया नहीं मिल पावत आय। अगर बैंक मैनेजर समय से बैंक खोले तौ येत्ती ज्यादा भीड़ न होय। हमैं तौ भीड़ के कारन तीन दिन चक्कर लगावै का परत हवै।
खण्डेहा इलाहाबाद यू.पी.ग्रामीण बैंक के मैनेजर विद्याराम वर्मा का कहब हवै कि मैं कर्वी से आवत हौं तौ नौ बजे हुंवा पहुंच जात हौ, मड़ई आठ बजे से आ के बइठ जात हवै मोर कउनौ गलती नहीं आय।