इंतजार मा बइठ मरीज
बांदा जिला के अस्पताल मा या समय डाक्टरन के आवैं का समय 8 बजे अउर जायें का समय 2 बजे तक है, पै डाक्टर 11 बजे के बाद आवत हंै। मरीज अस्पताल मा ठाढ़े बिलबिलात रहत हैं। 2 जून 2014 का 11 बजे तक शिशु एवं बाल रोग विशेषज्ञ डाक्टर आर.के. गुप्ता हड्डी अउर जोड़ के विशेषज्ञ टी.आर. सरसैया अउर फिजीशियन डाक्टर करन राजपूत नहीं आए रहैं। सबै के केबिन मा पर्चन का ढेर लाग रहै।
खप्टिहाकला गांव के देवकी, मोनू बतावत है कि उनके दस दिन के बच्चा का इलाज 5 दिन से चलत है। आज आठ बजे से इंतजार करत आहिन, पै हेंया के डाक्टर निहाय। जालौन जिला के उरई शहर का रहंै वाला रामसिंह परिहार के भाई का इलाज चलत है, पै डाक्टर निहाय। या समस्या हमैं रोजै झेलैं का परत है। कइयौ मरीज बताइन कि डाक्टर बाजार के दवाई लिखत है। मेडिकल वाले दवाई दई के बाद मा पर्चा फाड़ देत हंै।
मुख्य चिकित्सा अधीक्षक डाक्टर शेखर का कहब है कि डाक्टर अस्पताल के अंदर दउड़ा मा जात है। या मारे उंई न देखान होइहंै। रही बात दवाई बाजार के लिखंै के तौ मरीज जल्दी नींक के चक्कर मा लिखावत है। दवाई के बारे मा कतौ शिकायत भी नहीं मिली आय। अगर मोरे लगे तक शिकायत आवैं तौ कारवाही भी कीन जई।