जिला अम्बेडकरनगर, ब्लाक भीटी, गाँव भटौली के लगभग सोलह पात्र मनई का कालोनी नाय मिली। मनइन के आरोप बाय कि प्रधान कइव बदले लकिन हमरे गाँव कै हालत नाय बदली।
मेहाल कै कहब बाय कि पंचायत भवन पै मीटिंग भए रही तौ हमरे नाम कै चयन भा रहा कि कालोनी मिले। वहमा घोटाला कईके हमैं कालोनी नाय दिहिन।लालमती के कहब बाय कि दसन साल से अलग हई रहै के ताई घर नाय बाय लकिन अबहीं तक कालोनी नाय मिली।
सुरेमना के कहब बाय कि पन्द्रह साल भए कालोनी बनी लकिन छत डारे के ताई पैसा अबहीं तक नाय मिला।जेसे लिंटर नाय लाग पाय। पैतिस हजारवाली कालोनी रही अबहीं नब्बे हजार बकाया बाय।पूर्ब प्रधान सुन्दर वर्मा अउर नया प्रधान जटाशंकर से कइव बार कहें लकिन सुनिन नाय। दिनेश कै कहब बाय कि बार बार विभाग मा जाई थी सुनवाई नाय हुवत। अब दउर के थक गायन कहाँ मांग करै जाई
खंड विकास अधिकारी सविता सिंह कै कहब बाय कि चुनाव के वजह से पैसा रुका बाय।जेकै दूसरी क़िस्त के पैसा बकाया बाय मार्च महीना के आखिरी तक आय जाये।नई कालोनी के ताई मांग कीन गए बाय।
रिपोर्टर- संगीता
27/03/2017 को प्रकाशित
